မိတ်ဖက် အဖွဲ့အစည်းများ

ငါးလုပ်ငန်း ဦးစီးဌာန

မြန်မာနိုင်ငံ စိုက်ပျိုးရေး၊ မွေးမြူရေး နှင့် ဆည်မြောင်းဝန်ကြီးဌာန လက်အောက်ရှိ ငါးလုပ်ငန်း ဦးစီးဌာန သည် ငါးနှင့် ရေသတ္တ၀ါ မွေးမြူရေးလုပ်ငန်းဖွံ့ဖြိုးတိုးတက်ရေးကို အဓိက တာဝန်ယူ ဆောင်ရွက်သော အစိုးရ ဌာန တစ်ခု ဖြစ်ပြီး MYSAP စီမံကိန်း ကို တိုက်ရိုက် အကောင်အထည်ဖော် လုပ်ကိုင်မည်ဖြစ်သည်။ ငါးလုပ်ငန်း ဦးစီးဌာန အား အထွေထွေညွှန်ကြားရေးမှူး၊ လက်ထောက် အထွေထွေ ညွှန်ကြားရေးမှူး ရံး ရေသတ္တ၀ါမွေးမြူရေး ဌာန ၊ ငါးလုပ်ငန်းစီမံခန့်ခွဲရေးဌာန ၊ သုတေသန နှင့် ဖွံ့ဖြိုးရေး ဌာန ၊ ပြည်နယ်နှင့် တိုင်းဒေသကြီး ဦးစီးဌာနများ၊ အုပ်ချုပ်ရေးနှင့် ဘဏ္ဍာရေးဌာန အသီးသီးဖြင့် ဖွဲ့စည်းထားပြီး ၀န်ထမ်းပေါင်း ၂၅၀၀ ဦး ဖြင့် လုပ်ကိုင်လျက်ရှိသည်။ အဓိကအားဖြင့် ပြည်တွင်း ရေသတ္တ၀ါ ထုတ်လုပ်မှု နှင့် စားသုံးမှု မြှင့်တင်ရေး ၊ ကူးစက်တက်သော ရောဂါများ ကာကွယ်ရေး နှင့် ရေသတ္တ၀ါ ထုတ်ကုန် အရည်အသွေး နှင့် ဘေးကင်းလုံခြုံမှု ရှိရေး ၊ ငါးနှင့် ရေသတ္တ၀ါ မွေးမြူရေး လုပ်ငန်းများတွင် ပြည်ပရင်းနှီးမြုပ်နှံ့မှုများ ဖိတ်ခေါ် ရေး စသည့် လုပ်ငန်းများကို လုပ်ကိုင်လျက်ရှိသည်။

မြန်မာနိုင်ငံ ငါးလုပ်ငန်း အဖွဲ့ချုပ်

မြန်မာနိုိင်ငံ ငါးလုပ်ငန်း အဖွဲ့ချုပ်သည် သွင်းအားစု ၊ မွေးမြူရေး ၊ ထုတ်လုပ်ရေး နှင့် ရောင်းချရေး စသော ရေသတ္တ၀ါမွေးမြူရေး လုပ်ငန်းကွင်းဆက် တစ်ခုလုံး လုပ်ကိုင်ကြသော ကုမ္ပဏီ လုပ်ငန်းပေါင်း ၃၅၀၀၀ က လုပ်ငန်းခွဲ အဖွဲ့ပေါင်း ၁၀ ဖြင့် ဖွဲ့စည်းထားသည်။

Comments are closed.